Џојс и Френк Дод починале во ист ден откако вработените во болницата каде биле примени им ги доближале креветите за да бидат заедно и да се држат за рака.
Џојс имала 97, а нејзиниот сопруг 96 години кога починале во болницата Daren Valley во Дартфорд.
Џојс и Френк се заљубиле уште како тинејџери и заедно поминале речиси осум децении. Имаат пет деца, 12 внуци, 10 правнуци и две пра правнучиња.
Се запознале кога имале 14 години и се венчале пет години подоцна.
И двајцата биле болни и сместени на различни одделенија во болницата, но вработените одлучиле да им ги поместат креветите еден до друг за да можат заедно да ги поминат последните моменти од животот.
"Вработените беа прекрасни. Нѐ прашаа дали сакаме да го спојат. Го донесоа тато на нејзиниот кат за да може да се држат за раце. Сѐ беше надвор од нашите очекувања", рече нивната 75-годишна ќерка Анџела Бонел.
Френк доживеал срцев удар и сопругата го посетувала секој ден во болница додека не се разболела и таа.
Еден ден по нивната годишнина од бракот, Френк починал во 4 часот по локално време, а неговата сопруга 12 часа подоцна.