Почит, слава и љубов за Тоше - во Крушево одбележан неговиот 42. роденден

Обожавателите и приврзаниците на големата македонска и балканска музичка ѕвезда Тоше Проески денеска на Гумење во родното Крушево го одбележаа неговиот 42. роденден. Веќе 16 години се одбележуваат значајните датуми за Тоше без него, но со почит, сеќавање, и радост што го имавме. На неговото вечно почивалиште на Гумење во Крушево посета и почит од институции и негови привзаници од земјава и странство.

Стела Прислан Фејс од Загреб, Хрватска секогаш е во Крушево и на Гумење за посебните датуми за Тоше затоа што смета дека тој имаше само ден на раѓање.

– Пак сме во Крушево, на свој начин со Тоше. Тој останува љубов, музика и вечност. Македонија треба да е горда што го имаше. Неговиот ден на раѓање носи дополнителни емоции, а за нас е вечен. Секоја година доаѓам. Тоа е потреба. Ова ни е втор дом, рече Стела Прислан Фејс.

Во спомен домот „Тодор Проески“ на Гумење, најпосетуваниот музеј на овие простори, со повеќе манифестации беше одбележан денот  на 42. роденден на Тоше. Изложби, 42 маички со мотив што го претставуваат Тоше, големиот музичар, хуманитарец и човекот со големо срце. Централно место имаат експонатите и музичко-сценскиот настан насловен „Ангел си ти“ на кој Андријана Јаневска и Бојан Стојков во придружба на „Џез Сценарио“ од Битола, во аранжман на професорот по пијано и диригирање Вангел Мажески, ги изведуваа хитовите на Тоше. Беше отворена изложбата на дела на уметничката Марија Бојкоска од ликовната школа „Тоциновски“ од Скопје, а беа промовирани и делата од 26. керамичка колонија од Велес со мотиви врзани за Тоше Проески.

Лефкија Гажоска, директорка на спомен-куќата „Тодор Проески“, вели дека посебна е приврзаноста со Тоше, со неговата музика и неговото дело.

– Во 11:15 часот во 1981 година се роди Тоше Проески. И настаните, на некој начин, ги врзавме така. Со промоциите на изложбите, а посебен е музичкиот настан „Ангел си ти“. Спомен-домот ги одбележува сите значајни датуми и сѐ што е поврзано со Тоше Проески. Многу ни е мило што заедно со средното училиште „Маца Овчарова“ од Велес, со специјалната паралелка успеавме да испечатиме 42 маички со победничкиот мотив од нивната грнчарска меѓународна работилница, посветена на Тоше. Песната на Тоше „По тебе“ како спомен-куќа ја посветуваме на него, која остави голема трага. По него не е ништо исто, но ние сакаме да ги одбележиме убавите моменти, неговата музика да остане вечно во сеќавањето, рече Гажоска.

Дијана Попанов, дефектолог од Велес рече дека грнчарската меѓународна колонија која опфати 31 училиште годинава беше посветена на Тоше.

– Сета љубов за Тоше е отсликана на керамичките чинии изработени во работилницата, а најдобриот мотив е ставен на 42 маички што се промовираа денес, рече Дијана Попанов.

Атанас Ташкоски, 14-годишен крушевчанец ја освои првата награда и неговиот мотив за Тоше е на маичките што им се нудат на посетителите.

– Кога се пријавив, веднаш нешто ме натера да нацртам со сина боја. За Тоше, големиот музичар и хуманитарец, зашто некои бои го опишуваат повеќе, рече Ташкоски, ученик од Крушево.

Дека Тоше е синоним и за љубов потврдува младата Русинка Наташа Кондрашова. Таа својата љубов ја најаде во сопругот Драган од Крушево.

– Од 2012 година доаѓам од Северна Русија во Крушево за Тоше. И пред три години ја најдов својата љубов во сопругот Драган и станав крушевчанка. Тоше нѐ поврза, со радост вели руската крушевчанка Наташа.

За Тоше Проески се навестува и филм. Животот го загуби во сообраќајна несреќа кај Нова Градишка во Хрватска на 16 октомври во 2007 година.

реклама

Зошто треба да ставите алуминиумска фолија зад рутерот?

Read more

Голем месечен хороскоп за април 2024: Ретрограден Меркур им ги мрси конците на неколку знаци

Read more

Едноставен и брз метод: Белите патики повторно ќе изгледаат како нови

Read more

Како е поврзано пиењето кафе со ракот на дебело црево?

Read more

Култура

Госпоѓиците од Авињон на сцената на Националната опера и балет

Read more

Коле Ангеловски: Театрите се распаѓаат, а ние финансираме фестивали во други држави

Read more

Ива Петреска ја промовира дебитантската стихозбирка „Песнило“

Read more
26 март 1901, роден е македонскиот сликар Лазар Личеноски

26 март 1901, роден е македонскиот сликар Лазар Личеноски

Read more
 

Вести

  • play_arrow

Огромна дупка во Рим проголта два автомобила

Читај повеќе

Госпоѓиците од Авињон на сцената на Националната опера и балет

Читај повеќе

ВМРО-ДПМНЕ: Растот на платите со кои се фали Битиќи е лага, платите се стопија со порастот на трошоците на живот

Читај повеќе

Села оди во коалиција со Ахмети

Читај повеќе

Македонија треба да ѝ врати 2,2 милиона евра на Европската комисија - биле злоупотребени преку Еразмус+

Читај повеќе

Хоспитализирана 71-годишна скопјанка, jа нападнале две лица

Читај повеќе
  • play_arrow

Апасиев: НАТО не носи демократија, НАТО е кршач на меѓународното право и Повелбата на Обединетите нации

Читај повеќе

Во Франција за Велигден ќе биде распоредена полиција пред секоја црква

Читај повеќе

Расправија за паркинг во Аеродром прераснала во голема тепачка

Читај повеќе