На веб-страницата на УЕФА веќе може да се испраќаат гласовите во изборот на единаесетмината најдобри за оваа 2020 година.
Вкупно 50 играчи се номинирани од кои 5 голмани и по 15 дефанзивци, играчи од средината и напаѓачи.
Не само што имате можност да учествувате во изборот, туку на крајот УЕФА ќе додели и три награди за најсреќните и тоа две ВИП влезници за финалето од Лигата на шампиони, потоа потпишан дрес од еден играч кој влегол во најдобриот тим, како и спортска опрема во вредност од 100 евра од официјалната онлајн продавница на УЕФА. Третата награда ќе ја добијат петмина среќници.
Гласањето трае до 6 јануари, а можете да гласате со клик тука.
Најмногу номинации, 10, има актуелниот првак во Лигата на шампиони, Баерн, додека по 8 имаат Ливерпул и ПСЖ. Според националноста на фудбалерите, најбројни се Германците кои ги има 6.
Оваа година УЕФА овозможи гласање и за тим на годината во женска конкуренција, по истиот принцип.