Ноќеска започна новата сезона во најдобрата кошаркарска лига на светот, а во двата одлични воведни натпревари Милвоки Бакс и Голден Стејт Вориорс забележаа победи.
На крилјата на Јанис Адетокунбо бранителот на титулата Милвоки со 127:104 беше подобар од ѕвездите на Бруклин Нетс, кои немаа одговор за расположените домаќини.
Бакс беа подобар тим од самиот почеток и веќе во првата чртвртина имаа 18 поени предност. Со неколку добри серии Милвоки сепак успеа да ја одржи двоцифрената предност до последната четвртина и потоа лесно забележа триумф.
Одличниот Адетокунбо постигна одличен учинок од 32 поена, 14 скока и 7 асистенции ноќта на отворањето на новата сезона. Пред почетокот на натпреварот, одличниот грчки кошаркар го доби шампионскиот прстен за минатата сезона.
Пет Конотон го следеше со 20 поени, колку што запиша и Крис Мидлтон. Во спротивниот табор, Кевин Дјурент постигна 32 поена и 11 скока.
Изненадувачки лесно, Голден Стејт Вориорс славеше на гостувањето кај Лос Анџелес Лејкерс со резултат 121:114 благодарение на одличната игра на Стеф Кари.
Лејкерс имаа предност во поголемиот дел од натпреварот, но таа се стопи пред почетокот на последната четвртина. Гостите одиграа одлично, стигнаа до предност од 12 поени во финишот (103:115) по што дуелот беше решен.
Одличниот Кари постигна трипл-дабл првата вечер во НБА лигата, постигнувајќи 21 поен со по 10 скокови и асистенции.
За Лејкерс не беше доволно што Леброн Џејмс (34 поени) и Ентони Дејвис (33) постигнаа комбинирани 67 поени.
Резултати:
Милвоки Бакс - Бруклин Нетс 127:104
Лос Анџелес Лејкерс - Голден Стејт Вориорс 114:121
Возбудувањата од новата сезона продолжуваат вечерва после полноќ по македонско време, а се среќаваат:
1:00 часот:
Шарлот Хорнетс - Индијана Пејсерс
Детроит Пистонс - Чикаго Булс
1:30 часот:
Њујорк Никс - Бостон Селтикс
Торонто Репторс - Вашингтон Визардс
2:00 часот:
Мемфис Гризлис - Кливленд Кавалирс
Минесота Тимбервулвс - Хјустон Рокитс
Њу Орлеанс Пеликанс - Филаделфија 76ерс
2:30 часот:
Сан Антонио Спарс - Орландо Меџик
3:00 часот:
Јута Џез - Оклахома Сити Тандер
4:00 часот:
Феникс Санс - Денвер Нагетс
Портланд Треил Блејзерс - Сакраменто Кингс