Пред Министерството за правда започна протестниот марш организиран од ВМРО-ДПМНЕ. Во првите редови е лидерот на партијата, Никола Груевски.
Насобраните граѓани извикуваат „Слобода, слобода“ и „Никола, Никола“.
На протестот присутни се и повеќемина ексфункционери на партијата меѓу кои и Оливер Андонов, Коце Трајановски, Христијан Мицковски, Александар Николовски, Антонијо Милошоски и други.
Насобраните пеат и патриотски песни „Наше ќе биде Солунско поле“ и „Земјо Македонска“.
Може да се забележат и транспаренти на кои пишува „Слобода за Богдан“, „Дурловски е уметник не терорист“ и „Чавков борец за Македонија“. Маршот ќе заврши пред Владата.
