Додека повеќето луѓе ја поврзуваат археологијата со праисториски остатоци и вредни артефакти, група научници го започна првиот археолошки проект на Меѓународната вселенска станица.
Станува збор за прв проект од ваков вид во вселената, а целта е да се открие како луѓето го адаптираат нивното однесување. Досега на Станицата најдолг престој има астронаутката Кристина Коч на НАСА. Во вселената има минато 328 дена и на Земјата се врати минатата година.
„Сакаме да се обидеме да разбереме како луѓето се однесуваат кон предметите и своето опкружување кога живеат во вселената, како го адаптираат своето однесување на целосно поинакво опкружување“, изјави професор Џастин Волш од Универзитетот Чепмен во Калифорнија.
Проектот почна оваа недела, истражувањето ќе биде вршено секојдневно со фотографирање во период од 60 дена и ќе покажува како се користат различни простори.
Експериментот ќе трае два месеци, а тимот ќе изолира повеќе простори од еден метар за потребите на истражувањето.
