Почнуваат карневалските свечености во Прилеп, в недела е главното дефиле со 500 учесници

Околу 500 учесници од земјава со 20 групни маски и поединци ќе дефилираат в недела во центарот на Прилеп на 21-от по ред карневал Прочка 2023. Главното карневалско дефиле ќе го предводат традиционалните маски Прилепските мечкари, како заштитниот знак на Прилеп.

Карневалските свечености по 21-пат ќе започнат утре напладне во фоајето на Центарот за култура „Марко Цепенков“ со отворањето на традиционалната изложба на маски на учениците од основните и од средните училишта во Прилеп. За време на карневалскиот викенд градот подготви голема забава и за учесниците и за гостите.

Како што објаснува Снежана Ристеска, советник за култура во општина Прилеп, овие денови во градот ќе бидат во знакот на карневалот, маскирањето, умешноста во изработката на маски и големата забава со придружни занимливости.

– Активностите почнуваат утре со отворањето на изложбата на маски во фоајето на Центарот за култура „Марко Цепенков“. Изложбата на маските ќе биде пригодно отворена утре во 11 часот. Ќе бидеме сведоци на голем број оригинални креации на маски од вредните раце на учениците од основните и од средните училишта во Прилеп. Тие се нашите најмлади партнери и учесници кои ќе го продолжат да го негуваат ова богато културно наследство и да ја чуваат традицијата. Стручна комисија во три категории ќе ги одбере најдобрите маски: за маски изработени од ученици до VI одделение, во втората категорија се маски од ученици од VI до IX одделение и за маски на средношколците, изјави Ристеска.

Централен настан е дефилето на маските во недела на 26 февруари напладне, на Прочка. Ќе се претстават повеќе од 20 групни маски од градот и од цела Македонија. Има пријавено маски од Куратица, од Мокриево, од Бегниште, Струмица, од Пробиштип, Охрид, така што очекуваме повеќе од 500 учесници да продефилираат по булеварот „Гоце Делчев“. Централното претставување со кореографија и со музика ќе биде пред бината на плоштадот „Методија Андонов-Ченто“. Ќе има и куклено и магионичарско шоу.

– Едноставно, Прилеп е сцена каде ќе се случуваат повеќе карневалски настани. Рестораните, кафулињата и кафетериите ќе имаат своја карневалска програма. Со одлука на прилепскиот совет, забавата ќе може да трае и до утринските часови. Официјалното пријавување маски е завршено, но остануваме отворени за секој што ќе се пријави, појаснува Ристеска.

Ванчо Георгиев, претседател на здружението „Прилепски мечкари“ нагласи дека препознатливата и заштитна маска на Прилеп, Мечкарите е подготвена да ја продолжи вековната традиција.

– И овој пат, традиционално заштитната маска на градот, Мечкарите, ќе го отворат карневалот в недела. Мечкарите веќе ја подготвија и ја усовршија својата маска. Направија нови костими. Маската е симболот на Прилеп, но и на Македонија бидејќи со овој вид маски сме единствени. Имаме настапувано во повеќе европски земји. Карневалот е дојден до степен кога треба да се покажат автентичните работи на нашето поднебје, вели Георгиев.

За најдобрите маски на карневалското дефиле в недела, на Прочка, ќе одлучува стручно жири. Наградените ќе добијат ваучер за да може да бидат претставени на државни и меѓународни карневалски манифестации.

реклама

Зошто треба да ставите алуминиумска фолија зад рутерот?

Read more

Голем месечен хороскоп за април 2024: Ретрограден Меркур им ги мрси конците на неколку знаци

Read more

Едноставен и брз метод: Белите патики повторно ќе изгледаат како нови

Read more

Како е поврзано пиењето кафе со ракот на дебело црево?

Read more

Култура

Госпоѓиците од Авињон на сцената на Националната опера и балет

Read more

Коле Ангеловски: Театрите се распаѓаат, а ние финансираме фестивали во други држави

Read more

Ива Петреска ја промовира дебитантската стихозбирка „Песнило“

Read more
26 март 1901, роден е македонскиот сликар Лазар Личеноски

26 март 1901, роден е македонскиот сликар Лазар Личеноски

Read more
 

Вести

  • play_arrow

Огромна дупка во Рим проголта два автомобила

Читај повеќе

Госпоѓиците од Авињон на сцената на Националната опера и балет

Читај повеќе

ВМРО-ДПМНЕ: Растот на платите со кои се фали Битиќи е лага, платите се стопија со порастот на трошоците на живот

Читај повеќе

Села оди во коалиција со Ахмети

Читај повеќе

Македонија треба да ѝ врати 2,2 милиона евра на Европската комисија - биле злоупотребени преку Еразмус+

Читај повеќе

Хоспитализирана 71-годишна скопјанка, jа нападнале две лица

Читај повеќе
  • play_arrow

Апасиев: НАТО не носи демократија, НАТО е кршач на меѓународното право и Повелбата на Обединетите нации

Читај повеќе

Во Франција за Велигден ќе биде распоредена полиција пред секоја црква

Читај повеќе

Расправија за паркинг во Аеродром прераснала во голема тепачка

Читај повеќе