Брендот на Xiaomi го претстави новиот евтин смартфон.
Се работи за уредот Poco M3 кој има одлични спецификации ако се земе предвид цената од 129 долари.
Уредот доби 6,53-инчен 1080p LCD екран со фреквенција на освежување од 60 Hz и селфи камера од 8 MP.
Главната камера има 48 MP, а макро камерата и сензорот за длабочина имаат по 2 MP. Куќиштето е направено од пластика. Достапен е во црна, жолта и сина боја.
Уредот има Qualcomm Snapdragon 662 процесор, 4 GB RAM. Го напојува батерија од 6.000 mAh, а достапен е со верзии од 64 и 128 GB интерна меморија.
Продажбата почнува од денес. Стандардните цени на уредот се 149 и 169 долари.
