Група граѓани од Чешка собраа пари преку crowdfunding за да купат модернизиран тенк Т-72 кој наскоро ќе биде испратен до украинската армија за да помогне во одбраната од руската агресија.
Проектот предводен од украинската амбасада во Прага наречен „Подарок за Путин“ заклучно со вчера собра 1,3 милиони долари, беше објавено на веб-страницата на кампањата.
„Чешката Република стана првата земја во која обичните луѓе купија тенк“, објави украинскиот заменик-министер за надворешни работи Јевхен Перебиинис на Twitter.
Тенкот T-72 AVENGER е опремен со модерен одбранбен систем и има дополнителна опрема за ноќно извидување и комуникација.
Собирањето средства продолжува и за обезбедување муниција.
Република Чешка, членка на НАТО и ЕУ, претходно силно го поддржуваше украинскиот отпор, а тие испорачаа свои вишок воени резерви, кои вклучуваат постари тенкови, повеќе ракетни фрлачи, артилерија, борбени возила на пешадија и системи за противвоздушна одбрана.
Украинската амбасада објави дека до крајот на септември, Чесите собрале 52,2 милиони долари за средства за набавка на оружје во координација со чешкото Министерство за одбрана.
