Поддржувачите на Вучиќ фрлаа со јајца кон студентите во Белград

На протестот во Белград синоќа беше уапсена девојка откако фрлала со јајца кон приврзаниците на Вучиќ.

„Од правец на пазарот Џерма, каде цел ден и вечерва беа собрани активисти на СНС, во еден момент кон нас почнаа да летаат јајца, а граѓаните стоеја од другата страна. Една девојка возврати, но веднаш пристигнаа полицајци во цивил, ја приведоа и ја однесоа во автомобил“, изјави за Н1 новинарката Јована Полиќ.

Покрај активистите на СНС, таму цел ден беа присутни луѓе облечени во црни јакни со качулки, меѓу кои и поранешниот министер за информации и телекомуникации Михаило Јовановиќ.

„Девојката што фрли јајце на ‘напредните’ е Милица Шкориќ, но таа само возврати на фрлањето со јајца од ‘напредните’. Тие се овде во Џерам по цел ден и пазарот е отворен само за нив. Полицијата не реагираше кога фрлаа јајца, но кога Милица го стори тоа, ѝ пријдоа полицајци во цивил, ја приведоа и ја одведоа во автомобил без полициски ознаки или таблички“, рече Полиќ.

Таа посочува дека граѓани веднаш ја преминале улицата и го блокирале патот и преминот на полицискиот автомобил, по што Милица била пуштена.