Понекогаш, кога го гледаме Стеф Кари како шутира тројки, си помислуваме „А што ако тој е всушност робот и поради тоа е толку прецизен“. Можеби Кари не поседува компјутерска прецизност, но истото не може да се каже за новиот робот на Toyota, кој е доволно опасен од зад линијата за три поени што може да почне да се надева на професионална кошаркарска кариера.
Toyota го произведе роботот CUE 3, кој е висок 190 сантиметри и шутира тројки со скоро 100% успешност.
Според извештајот кој го објави Toyota, овој робот процесира тридимензионална слика на која најпрво го лоцира обрачот, а потоа со помош на сензори на неговото тело ги придвижува рацете и колената со цел да се позиционира што е можно подобро за да го погоди шутот. И најчесто го прави тоа.
За да ги погодува шутевите од зад линијата за три поени, на роботот му е потребно да има одличен „вид“, односно да може да проектира чиста слика. Со помош на она што го гледа, роботот сам одлучува колку сила да употреби и во кој правец да ја упати топката.
„Она што Toyota го прави преку овој проект е импресивно – тие ги испитуваат максималните можности на перцепцијата и ја тестираат контролата на хардверот и софтверот, со цел да направат роботи кои извршуваат максимално комплицирани задачи“, вели Усама Хабиб, раководител на секторот за роботика на Универзитетот Стенфорд.
„Роботот на Toyota не може да забива, но шутира тројки како професионалец“ – Alvark Tokyo.
