Во услови на пандемија на коронавирус кога здравствените експерти повикуваат на почитување на мерките, меѓу кои и одржување на физичка дистанца, избегнување на групирање и престој во затворени простории со повеќе луѓе, многу од нашите вообичаени практики, како што е и одењето во банка, се препорачува да се извршуваат по електронски пат односно преку интернет.
Токму затоа, Халкбанк, како банка која се грижи за здравјето на своите клиенти, подготви серија едукативни видеа за користење на нивните услуги од електронското банкарство, намалувајќи го ризикот од ширење на пандемијата, а во исто време, правејќи ги овие услуги уште подостапни до секој граѓанин. Сѐ што е потребно е да се инсталира мобилната апликација за е-банкарство на Халкбанк и оттука потребно е само да ги следите инструкциите во видеото.
Во видеата, на лесен и едноставен начин, чекор по чекор се даваат насоки за користење на сите услуги од електронското банкарство на Халкбанк. Видеата се едукативни, лесно разбирливи и прилагодени за секого, па дури и за оние кои помалку се снаоѓаат во користењето интернет или пак мобилни апликации.
Видеата даваат насоки како да го активирате електронското банкарство преку мобилната апликација, како да управувате со вашите банкарски сметки, како брзо и лесно да ги плаќате сметките за струја, вода, парно итн., како да плаќате преку ПП30 и ПП50 налози, како да ги плаќате кредитите и долговите на картичките и како да вршите откуп и продажба на девизни средства само со неколку клика на вашиот мобилен телефон.
Во ова видео се запознаваме со начинот како да подмирувате долг на вашите дебитни и кредитни картички и долг за кредити преку е-банкарство на Халкбанк.
Погледнете го „чекор по чекор“ видеото:
