Поднесено обвинение против тројцата првоосомничени во „Рекет“

Скопје, 10 октомври 2019 (МИА) – Основното јавно обвинителство за гонење на организиран криминал и корупција денеска поднесе обвинение против Бојан Јовановски, Катица Јанева и Зоран Милевски – Кичеец, осомничени во случајот „Рекет“.

Како што се наведува во соопштението од Јавното обвинителство, првообвинетиот се сомничи дека сторил кривично дело „перење пари и други приноси од казниво дело“, а двете други лица за „примање награда за противзаконито влијание“.  Второобвинетото лице се товари и дека сторило и кривично дело „злоупотреба на службена положба и овластување“.

– Првообвинетиот во периодот од ноември минатата година до април годинава, искористувајќи го своето претпоставено влијание врз второобвинетото лице – јавен обвинител, влијаел да се изврши службено дејствие што не би смеело да се изврши. Тој, искористувајќи ги претходно воспоставените пријателски односи,влијаел врз второобвинетата, при спроведувањето на истражна постапка во предметот со работен наслов „Империја“, да ја олесни положбата на сведокот кој во предметот е еден од осомничените и на кого по предлог на јавниот обвинител му било определена мерка притвор. Третообвинетиот битно придонел за извршувањето на кривичното дело со договарање на континуирани средби на првообвинетиот со сопругата на сведокот, а подоцна и со сведокот, притоа уверувајќи ги во неговото влијание врз јавниот обвинител, појаснува Јавното обвинителство.

Второобвинетата ја искористила службената положба и откако првообвинетиот заедно со третообвинетиот ги добил договорените 500.000 евра од сопругата на сведокот доставила до Апелациониот суд во Скопје предлог за определување поблага мерка – куќен притвор, кој бил прифатен. Воедно, согласно договорот, по исплатата на првите 1.000.000 евра, второобвинетата доставила писмена согласност до судот одземената патна исправа привремено да му биде вратена на сведокот.

Со преземените службени дејствија, второобвинетата ја искористила и ја пречекорила својата службена положба и овластување и за себе прибавила имотна корист во значителен износ и тоа во предмети – мебел во износ од 296.040,00 денари и пари во износ од 50.000 евра, а за противзаконито влијание другите двајца обвинети примиле награда од 1.500.000 евра. Првообвинетиот иако невработен, со блокирани трансакциски сметки и без приход, на почетокот на оваа година купувал за себе луксузен мебел, облека и обувки и престојувал во луксузни летувалишта – ресорти надвор од државата што упатува дека ги пуштил во оптек паричните средства што ги прибавил со кривичното дело „Примање награда за противзаконито влијание“.

Со обвинителниот акт, до Основниот кривичен суд – Скопје е доставен и предлог за продолжување на изречените мерки за обвинетите. 

реклама

ДИК објави резултати преку стрим на YouTube

Read more

Апасиев: Ова е досега невиден изборен грабеж

Read more

Се запали возилото со изборен материјал од Гостивар на пат кон ДИК

Read more

ДИК: СДСМ освои 36,48% од гласовите, ВМРО-ДПМНЕ 35,47%

Read more

Македонија

ОБСЕ/ОДИХР: Изборите генерално добро спроведени

Read more

Нови 94 случаи на COVID-19, 8 починати, 42 оздравени

Read more

ДИК поднесе пријава во полиција за хакирањето на сајтот, вчера паднал и сајтот на МВР

Read more

Duna: Апликацијата за изборниот процес функционира нормално, сајтот на ДИК беше хакиран

Read more

Вести

МВР регистрира неколку одделни инциденти со пукање по завршување на гласањето

Читај повеќе
  • filter

Водно добива нова планинска велопатека

Читај повеќе

За една недела уште 1,3 милиони невработени во САД

Читај повеќе
  • play_arrow

ОБСЕ/ОДИХР: Изборите генерално добро спроведени

Читај повеќе

Нови 94 случаи на COVID-19, 8 починати, 42 оздравени

Читај повеќе

ДИК поднесе пријава во полиција за хакирањето на сајтот, вчера паднал и сајтот на МВР

Читај повеќе

Duna: Апликацијата за изборниот процес функционира нормално, сајтот на ДИК беше хакиран

Читај повеќе

Шабани: ДИК во стандардна процедура ги проверува податоците за резултатите од изборите од ОИК

Читај повеќе

Италија забрани влез за државјаните на Србија, Косово и Црна Гора

Читај повеќе