Mercedes 190 во изведбата Evolution според многумина е една од најдобрите спортски лимузини на своето време. Сега стана неспоредливо подобра.
Проектот се вика Frankenstein Benz, а го претставува Piper Motorsport. Се работи за проект што трае цели пет години, а резултатот е подобар и од легендарниот оригинал. Некој се сетил да спои две генерации - Mercedes 2.5 16V Evo II и C класа во C63 AMG издание од генерацијата W204.
Секако, во изведбата, моделот од 90-тите го „донираше“ само изгледот, односно каросеријата. Механиката сепак доаѓа од скапоцениот камен помлад четврт век од него. Притоа, имајте на ум дека тука не се работи само за замена на моторот, туку буквално за вистинска трансформација.
За да собере сѐ на вистинско место, направени се скратувања, а правени се модификации и на моторот, двојно поголемиот и помоќен 6,2-литарски V8 со 457 кс.
Приказна сама за себе е внатрешноста со уникатни елементи, но и компоненти добро познати за C класата.
Според магазинот The Drive, за конечниот извештај од овој проект ќе треба да почекаме, бидејќи не е завршено составувањето на досието со сите податоци, како перформансите на овој „ѕвер“ на патот.