Се ближат новогодишните празници, а тоа значи дека одново ќе си ги прегледаме филмовите „Сам дома“ (Home Alone) со Меколи Калкин.
Годинава имате едно бонус видео од вистинскиот живот: камерата за обезбедување фати на дело крадци кои се посмотани и поглупави и од Хари и Марв.
Не е секој скроен за криминалец од видот на измамниците во „Ocean’s Eleven“, ниту пак ја има самодовербата на негативците во филмовите за Џејмс Бонд, но да конкурираш во категоријата најглупав со крадците од „Сам дома“ е навистина неславен подвиг.
Камерите за надзор поставени во куќа во Бразил ги фатија овие натрапници како се обидуваат да украдат телевизор закачен на ѕид.
Со сцени што се чини дека ги режирал Кевин Мекалистер, видеото за кратко време го освои интернетот.
Погледнете како се одвиваше и како заврши нивната акција: