Фудбалерот за врска на Манчестер Јунајтед, Пол Погба, изјави дека планира да разговара со клубот за продолжување на договорот.
– Имам валиден договор. Тука сум и уживам во играта. Секој знае дека имам уште една година од договорот. Ќе разговарам со клубот. Да видиме како сето тоа ќе заврши. Сега мојата цел е да освојам нешто. Ова е единственото за што размислувам. Сакам да победувам. Ми треба овој притисок. Сакам да играм против врвни играчи, врвни клубови, тоа е добар притисок, рече Погба во разговорот со Рио Фердинанд на каналот BT Sport.
Манчестер Јунајтед е втор на табелата во Премиер лигата со 40 бода, еден помалку од лидерот Манчестер Сити.