Француската фудбалска ѕвезда Пол Погба се враќа во Јувентус со кого денеска постигна договор, објавија сите највлијателни медиуми во Европа.
Како што се најавуваше со недели, Пол Погба одбива да ја продолжи соработката со Манчестер Јунајтед и ќе се врати во Јувентус каде ги помина најдобрите години во кариерата.
Угледниот трансфер гуру Фабрицио Романо го потврди трансферот и изјави дека е постигнат договор во целост и дека Французинот официјално ќе стане член на Старата дама на почетокот на јули.
Погба за две недели пристигнува во Италија. Интересно, Јувентус го продаде пред шест години за 100 милиони евра на Манчестер Јунајтед, а сега тој го враќа бесплатно од истиот клуб.
На денешните клучни преговори присуствуваа претставници на италијанскиот клуб и Рафаел Пименто, адвокат на агенцијата на неодамна починатиот менаџер Мино Рајола, кој го застапуваше францускиот фудбалер.
Ова ќе биде трет трансфер на Погба во кој ги смени Манчестер Јунајтед и Јувентус. Тој првпат се пресели од Јунајтед во Јувентус во 2012 година, пред да се врати на Олд Трафорд во 2016 година. Сега тој целосно бесплатно ќе се врати од Манчестер во Јувентус.