Познатиот пар Дејвид и Викторија Бекам неодамна ја прославија 23-годишнината од бракот и решија да се почестат со романтично патување во Хрватска. Парот отседнал на остров во близина на Дубровник, а нивното идилично сместување не можеше да помине незабележано.
Поранешниот фудбалер и неговата сопруга се одмараат со семејството на островот Лопуд, сместени во луксузен комплекс.
Станува збор за поранешен францискански манастир кој датира од 1483 година, кој бил реновиран од грофицата Франческа фон Хабсбург (по разводот е фон Тисен-Борнемиса). Денес, ова мирно засолниште е комбинација од музеј, врвен хотел и духовно одморалиште.
Погледите на имотот се прилично идилични, па сосема е јасно зошто парот решил да остане тука.
Гледајќи ја Светата градина и остатокот од нејзиното богатство однадвор, Lopud 1483 изгледа како идеално место за специјални прилики, а особено ќе им се допадне на оние кои замислуваат свадба или прославуваат други специјални прилики на отворено.
Кога станува збор за сместување, самата локација е совршена за оние кои сакаат да се чувствуваат како да се „отсечени од остатокот од светот“.
На располагање се 5 приватни апартмани за вкупно 10 гости. Секој од нив има своја бања и извонреден поглед на морето или пространи градини со медитеранско зеленило, растенија и автохтона фауна.
Внатрешноста вклучува комбинација од рачно изработени парчиња мебел потпишани од италијанската дизајнерка Паола Ленти и ренесансната колекција на грофицата Тисен-Борнемиса. Ѕидовите се украсени со современи уметнички дела.
На врвот на тврдината на поранешниот манастир има и прекрасна тераса, чиј поглед се протега сè до околните острови.
Покрај сместувањето, ова место нуди и организирање на бројни други содржини, вклучувајќи ликовни изложби, симпозиуми, вежби и други видови културни настани.
Lopud 1483 се смета за едно од најлуксузните места на Јадранот, а важно е да се има предвид дека цените се во склад со она што го гледате. Изнајмувањето на луксузен комплекс за 10 лица чини 10.000 евра дневно, додека цената на едно ноќевање е околу 1.400 евра.