Кои дестинации ви паѓаат на памет кога размислувате за годишниот одмор?
Дали сонувате за спа центар со 5 ѕвезди каде што ќе заборавите на сите ваши проблеми, дали размислувате за некој хотел сместен во центарот на некоја метропола или можеби сте авантурист, па би сакале да пробате нешто поразлично од вообичаеното?
Доколку спаѓате во последната група, мора да го погледнете најлуксузниот сафари камп во светот. Кампот Сингита е најпопуларен кога станува збор за еколошки и социо-свесен туризам.
Секој од неговите 15 кампови нуди неверојатен одмор за сите гости. Го претставија и нивниот нов дел Сабора Тент во кој гостите може да уживаат во најубавите пејсажи.
Сместен во резерватот Сингита Грумети, кој зафаќа околу 140.000 хектари заштитена природа, кампот Сабора им дава на гостите можност да уживаат во поглед од прва рака на променливиот пејзаж на Танзанија.
Иако кампот можеби на фотографиите изгледа скромно, сепак секоја соба крие ретки и необични артефакти, вклучувајќи персиски килими, кристали, како и традиционални предмети кои припаѓале на племето Масаи од северниот дел на Танзанија.
