Долгоочекуваниот проект Raffles City Chongqing е скоро при крај, со што Кина ќе добие уште едно ново архитектонско чудо. Станува збор за мегаструктура од осум облакодери поврзани со џиновски небесен мост.
Познат како деветти „хоризонтален облакодер“, небесниот мост или Crystal се смета за еден од највисоките во светот. Долг е 300 метри, широк 32.5 метри и висок 26.5 метри.
Конструкцијата е вградена над четири облакодери од 250 метри и поврзува две соседни кули со мостови. Навечер го осветлува небото.
Два облакодери од мегапроектот се високи 350 метри и се познати како највисоки објекти во Чонгкин. Останатите шест се високи околу 250 метри.
Мегапроектот содржи и трговски центар од 235.000 квадратни метри, деловни простории, станбени апартмани, резиденции и хотел.