Според многумина најубавиот стан во светот се наоѓа во Њујорк. Сопственичка е Атина Калдероне, дизајнерка на ентериер чии клиенти биле актерките Џенифер Анистон, Џесика Алба и Хилари Даф.
Атина може да се пофали и со успешна писателска кариера, успешно управување со лајфстајл порталот EyeSwoon и профил на Instagram кој го следат повеќе од 779.000 следбеници. Но, тоа не е сѐ!
Со оглед на тоа што главната професија на оваа 46-годишна жена е дизајн на ентериер, не е чудно што нејзиниот стан во Кобл Хил, дел од Бруклин, ја доби ласкавата титула за најубав во светот.
Поранешната урбана вила падна во рацете на оваа дизајнерка пред три години и стана примарен проект во кој со задоволство се вклучи целото нејзино семејство. Направена е целосна реконструкција на објектот, а резултатот е создавање на простор за живеење кој комбинира модерен израз и традиционални елементи.
Отворен концепт, многу светлина, прозрачност... се само дел од карактеристиките што го красат овој простор. Неутралната боја на ѕидовите служи како совршена глетка во која до израз доаѓаат елементите и украсните предмети од дрво и камен. Доза на елеганција на целиот простор даваат антиквитетите и деталите изведени во златни нијанси.
Реновирањето на станот траело цели три години, а конечниот резултат е навистина за пофалба.
Дали се согласувате дека ја оправдува титулата најубав во светот?