Велика Британија за едно деноноќие забележа рекордни 938 нови смртни случаи од коронавирус, со што вкупниот број на починати во земјата надмина 7.000 лица.
Според британското Министерство за здравство, досега во земјата има аат 7.097 смртни случаи од COVID-19.
Здравствената состојба на британскиот премиер Борис Џонсон се подобрува, но тој останува на интензивно лекување, истакна министерот за финансии Риши Сунак. Претходно, портпаролот на Џонсон изјави дека британскиот премиер „добро реагира на лекувањето и се наоѓа во стабилна состојба“, откако помина трета ноќ на одделението за интензивна нега во лондонската болница „Сент Томас“.
Што всушност се случува во овие одделенија и во кој случај пациент со коронавирус се сместува таму?
Овие специјализирани одделенија се резервирани за пациенти кои се во тешка состојба. Опремени се најсовремена техничка опрема и медицински персонал специјално обучен за нега на тешко болни пациенти.
Пациентите со COVID-19 кои имаат проблеми со белите дробови и дишењето обично се носат на интензивна нега. Екипа на BBC направи кратка репортажа која дава можност да погледнеме што се случува во одделенијата за интензивна нега.
