Mercedes објави тизер видео, во кое ги откри деталите од ентериерот на новиот модел на струја - EQC.
Германскиот произведувач на 4 септември во Стокхолм ќе го претстави својот прв електричен SUV, а неколку дена воочи премиерата имаме прилика да погледнеме во кабината на ова возило.
Како и неколку други најнови модели на Mercedes, и EQC има MBUX мултимедијален систем, кој се состои од два големи, меѓусебно споени дигитални екрани и кој доминира на командната табла.
На централната конзола се забележани два средишни вентилациски отвори, додека долу под сетот со команди се наоѓа клима уред.
Во самата кабина на автомобилот се гледа и сино осветлување, како и типичните електрични команди на Mercedes, за местење на положбата на седиштата.
Првиот електричен SUV на Mercedes ќе дебитира само неколку недели пред ривалот на Audi на струја, моделот E-Tron, а електричен SUV веќе подготвува и третиот германски произведувач на премиум автомобили, BMW.
