Објавен е првиот трејлер за филмот „Assassin's Creed“, инспириран од истоимената видео игра. Главните улоги ги толкуваат Мерион Котилард и Мајкл Фасбендер, во режија на Џастин Курзел. Премиерата е закажана за 21 декември.
Во останатите улоги се појавуваат Џереми Ајронс, Брендан Глисон, Мајкл Кенет Вилијамс и други. Станува збор за филмска адаптација на популарната видео игра Assassin’s Creed, дејството се одвива околу Калум Линч кој од спомените на својот предок Агилар открива дека потекнува од долга лоза на атентатори. Се враќа 500 години наназад во минатото, во периодот на Шпанската инквизиција.
Интересно е што Мајкл Фасбендер ги толкува двете главни машки улоги, ликовите на Калум и Агилар.
[jw: https://www.youtube.com/watch?v=gfJVoF5ko1Y]
