Објавен е првиот трејлер за „The Crown“, серијата за Кралицата Елизабета II и нејзините драматични рани години на британскиот трон. Серијата наводно ги чини Netflix 156 милиони долари - најскапата серија на оваа продукција и онлајн телевизија.
Дејството во серијата почнува во 1947 година, шест години пред Елизабета II (Клер Фој) да стане кралица, а 10-епизодната серија ќе го следи нејзиниот живот во моменти како венчавката со принцот Филип (Мет Смит), смртта на нејзиниот татко кралот Џорџ VI и нејзиното искуство како 25-годишна кралица во пост-воена Британија.
Серијата ја креираше Питер Морган, човекот за филмот за истата кралица „The Queen“, за кој Хелен Мирен заработи Оскар за портретирање на Елизабета II. Во своето портфолио Морган ги има и Rush, The Last King of Scotland, Frost/Nixon,The Other Boleyn Girl и други.
Погледнете го трејлерот:
Премиерата на „The Crown“ е закажана за на 4 ноември, кога ќе бидат достапни за гледање сите десет епизоди од првата сезона.
Netflix наводно планира шест сезони од серијата на британската кралица.