Од една локација до друга, во Шангај е преместена петкатна зграда стара 85 години.
Со помош на 200 мобилни носачи кои функционираат како роботски нозе, технологија развиена од компанијата Shangai Evolution Shift, Кинезите успеаја да преместат старата зграда на друга локација.
Станува збор за училиште направено во 1935 година, а на негово место ќе биде изграден деловен објект. За да ја преместат зградата, работниците првин ископале канал околу објектот. Целиот процес траел 18 дена.
Шангај е еден од најнапредните градови во Кина кога станува збор за заштита на наследството, досега зачувувајќи многу стари објекти. Не е првпат во овој дел на земјата на овој начин да се премести цел објект.
Во 2003 година беше преместена концертна сала направена во 1930 година, поради изградба на автопат. Пред две години беше преместена зграда 90 години, пренесе CNN.
