Павел Погребњак, кој денес настапува за Урал, излезе единствен позитивен на екипното тестирање во својот клуб.
Целата екипа на Урал од Екатеринбург подлегна на тестирање за коронавирусот при што само еден резултат бил позитивен, оној на ветеранот Павел Погребњак.
„Според резултатите од тимското тестирање за COVID-19, присуство на коронавирус инфекција беше најдена во телото на напаѓачот на Урал, Павел Погребњак. Неговиот тест, кој беше повторно проверен во регионалната установа Роспотребнадзор, даде позитивен резултат. Болеста кај Павел е во блага форма. Ништо не му го загрозува здравјето. Павел се чувствува добро и е под константен медицински надзор. Во моментов, сите потребни мерки се преземаат. На Павел му посакуваме брзо опоравување и враќање на фудбалскиот терен! За сите останати играчи и персоналот, тестовите за присуство на вирусот се негативни“, стои во клупското соопштение.
Погребњак, сега 36-годишен, е поранешен резпрезентативец на Русија за која играше на ЕУРО 2012. Се прослави со настапите за Зенит, Штутгарт и Ридинг, кариерата ја почна во московски Спартак, а настапуваше уште и за Балтика, Химки, Шиник, Том', Фулам, Динамо Москва и Тосно.