Квалитетниот појадок е многу важен за правилна работа на системот за варење и брз метаболизам.
Овој појадок е здрав и вкусен, содржи витамини и минерали што го подобруваат изгледот на кожата и косата, го стабилизираат метаболизмот и го зајакнуваат организмот.
Со секојдневно ставање на овие намирници во вашето утринско мени ќе ги елиминирате нечистотиите во организмот и ќе ги исчистите цревата, ќе го решите проблемот со опстипација, ќе ги согорите масните наслаги и ќе ја нормализирате тежината.
По еден месец ќе изгубите од три до пет килограми во тежина од кои најголем дел ќе бидат во пределот на стомакот.
За подготовка на овој појадок потребно ви е:
300 мл кефир (или јогурт со ниска масленост)
2 супени лажици овесни снегулки
1 кафена лажичка мелено ленено семе
1 кафена лажичка какако во прав
5 до 7 големи суви сливи
Подготовка:
Појадокот се подготвува навечер за следниот ден. Сувите сливи потопете ги во малку зовриена вода (околу 100 мл). Поклопете ги и оставете ги 5 до 10 минути. Во длабок сад измешајте ги овесните снегулки, меленото ленено семе и какаото. Прелијте ги со кефир и добро измешајте. Накиснатите суви сливи ситно исечкајте ги и додадете ги во претходно измешаната смеса.
Добро измешајте и ставете го појадокот во затворен сад во фрижидер. Наутро само промешајте и вашиот појадок е подготвен. Може да го понесете со вас на работа во сад што добро се затвора. Може да додадете грст свежо сезонско овошје за дополнителна доза вкус и витамини.
Резултатите ќе бидат видливи уште првиот месец.