Менаџерот на Тотенхем Маурисио Покетино ја истакна импресивната игра на Лионел Меси во дуелот со Барселона во рамки на ЛШ.
Каталонците славеа со 4:2 на „Вембли“ со два гола и асистенција на Аргентинецот и уште неколку важни потези.
„Не изгубивме од тим што се вика Барселона, туку од човек кој се вика Лионел Меси. А нема срам во пораз од таков голем човек“, рече Покетино.
Барселона и Интер имаат по шест бода во групата Б од Лигата на шампиони после две кола, а Тотенхем и ПСВ немаат ни еден.
Во следното коло Барселона ги дочекува Интер, а Тотенхем во клучниот меч му гостува на ПСВ.