Магазинот People го прогласи американскиот актер Пол Рад за најпривлечен маж во 2021 година.
Во разговор за магазинот тој изјави дека нивната одлука ќе изненади многумина.
„Свесен сум дека кога луѓето ќе слушнат дека сте ме одбрале мене за оваа категорија, ќе се запрашаат зошто е тоа така. Ова не е лажна скромност. Има многумина кои оваа титула би требало да ја добијат пред мене“, вели актерот.
Тој откри дека дури и неговата сопруга била изненадена од веста.
„Но, знаете, беше многу слатка во тој момент. По малку смеење и по првичниот шок изјави дека е добро што сте го сфатиле тоа. И тоа беше многу слатко. Веројатно не го ни мисли тоа, но што друго да каже“, се пошегува 52-годишниот Рад.
Како што вели на шега, се надева дека новата титула ќе му овозможи да присуствува на убави вечери со Џорџ Клуни, Бред Пит, Мајкл Б. Џордан, кои претходно ја носеа титулата на најсекси жив маж во светот според изборот на People.
Актерот е познат по улогите во филмови како „The 40 Year Old Virgin“, „Clueless“, „Knocked Up“, „This Is 40“ и други, а беше и дел од серијата „Friends“.