Делови од Нијагарини водопади, кои се наоѓаат во државата Њујорк, на самата граница меѓу САД и Канада, замрзнаа во текот на викендот откако минатата недела температурите во тој дел на Америка се спуштија на -18 степени Целзиусови.
Independent пишува дека туристите кои ја посетиле локацијата можеле да видат и фотографираат големи заледени парчиња како пловат по реката, а облаците од пареа и виножито биле атракција во текот на целиот ден.
Иако на некои фотографии изгледа како водопадите во целост да се замрзнати, водата никогаш не престанува да протекува ни покрај екстремно студеното време.
Во последните две недели САД се зафатени од леден бран, а во текот на следните неколку дена се очекува уште посилни снежни бури.
Последна ваква глетка од Нијагарини водопади се забележани во 2017 година, кога водопадот и околните места беа оковани со лед.
