Поради климатските промени, поларните мечки би можеле да изумрат до крајот на 21 век, покажува неодамнешна студија. Експертите повикуваат на итно дејствување по ова прашање, пренесе BBC.
Научниците предупредуваат дека одредени животински видови веќе се значително загрозени поради топењето на глечерите. Принудени се да се движат повеќе за да најдат храна.
Симбол на таквите промени стана поларната мечка, смета д-р Стивен Молнар од Универзитетот Торонто во Онтарио. Тој вели дека животните немаат каде да одат на друго место.
Меѓународниот сојуз за заштита на природата истакна дека поларните мечки се меѓу најзагрозените видови и дека постои можност да изумрат меѓу првите. Како причина ги наведуваат климатските промени.
Студијата покажа дека топењето на глечерите предизвикува намалување на бројот на поларни мечки. Резултатите од истражувањето се објавени во Nature Climate Change. Научниците апелираат веднаш да се почне со дејствување за да се избегне најлошото сценарио.
Земајќи ги предвид процените кои се однесуваат на емитувањето штетни материи, се претпоставува дека поларните мечки ќе изумрат до 2100 година. Дури и ако емитувањето се намали, овој вид ќе исчезне.
На секои 10 години се топи 13 проценти од ледот на Антарктик, тоа го покажуваат снимките уште од 1970 година.
