Пред пандемијата со коронавирус, проблемите во синџирот на снабдување и меѓународните конфликти во светот, се најавуваше дека новиот електричен автомобил на Polestar ќе пристигне во 2021 година, но после сите овие препреки, компанијата дури сега го откри својот изглед.
Поради фактот што е инспириран од концептот Precept, станува збор за SUV, а не за седан. Во меѓувреме видовме автомобил под камуфлажа, а сега Polestar целосно го откри изгледот на својот прв SUV наречен Polestar 3.
Покрај првиот вистински увид во дизајнот, Polestar понуди и информација дека сериската верзија ќе има премиера во октомври. Влегувањето на пазарот на SUV е многу важно за секој производител, а како што се движиме кон автономија, Polestar 3 ќе биде подготвен.
„Polestar 3 ќе понуди автономно возење по автопат врз основа на врвна класа LiDAR сензор од Luminar, како и централизиран NVIDIA компјутер“, велат од компанијата.
Новиот електромотор ќе работи со два мотора, а ќе има и голема батерија со домет до 600 километри.
Производството ќе започне на почетокот на следната година и ќе се одвива во САД и Кина.
„Polestar 3 е SUV за електричната ера. Нашиот дизајнерски идентитет се развива со овој висок и голем луксузен електричен автомобил со силен карактер на индивидуална марка. Со овој автомобил го враќаме спортскиот дух на теренците и остануваме верни на нашите корени за перформанси“, додадоа од Polestar.
Шведската марка нема намера да застане на Polestar 3, бидејќи на секои три години ќе лансира нов модел.
