Камерите за надзор во аптека во Кампо Лимпо Паулиста во Бразил снимиле несекојдневен херојски чин: полицаец кој во моментот не бил на должност спречил грабеж на аптеката.
Но, тоа не е најчудниот дел од приказната. Наредник Рафаел Суза влегол во аптеката во центарот на градот, заедно со сопругата и детето за да купат лекови. Во тој момент полицаецот не бил на должност и бил облечен како цивил.
Додека аптекарот ја услужувал неговата сопруга, вооружени крадци му впериле пиштол на Суза, додека тој го држел детето в раце.
Тој тврди дека младиот крадец, кој подоцна бил идентификуван како 24-годишниот Џеферсон Алвес, имал намера да пука во него, па затоа изреагирал.
Го извадил пиштолот и го застрелал Алвес од близу. Детето ѝ го дал на преплашената сопруга која почнала панично да вришти, а потоа тргнал да го гони другиот крадец.