Претставник на Полицијата на Лос Анџелес денеска соопшти дека осум полициски службеници признале дека поседуваат фотографии од местото на хеликоптерската несреќа во која загина кошаркарската легенда Коби Брајант.
Алекс Вилануева изрази „тага и разочараност“ од однесувањето на полицајците.
Тој додаде дека полицајците на негово барање ги избришале снимените и разменетите фотографии, но дека сеепак е отворена истрага против нив и се соочуваат со можна дисциплинска постапка.
Тој повтори дека само вработени од Одборот за национална безбедност и од одделението за судско вештачење смеат да фотографираат место на несреќа.
Брајант и неговата 13-годишна ќерка Џијана беа меѓу деветте жртви во хеликоптерската несреќа што се случи на 26 јануари во Калабасас, Калифорнија.