Откако на повидок е трансфер на голгетерот Душан Влаховиќ во Јувентус, навивачите на Фиорентина почнаа да му се закануваат на Србинот бидејќи тој е најново име на листата на предавници преминувајќи во нивниот најомразен ривал.
Жителите на Фиренца со цело срце навиваат за својата Фиорентина, а од дното на душата ги мразат Интер и Милан. Но, еден клуб го мразат повеќе од сѐ - Јувентус.
Душан Влаховиќ сезонава блеска во Серија А, но на повидок е да го направи најлошиот можен чекор во очите на навивачите кои досега го поддржуваа - да го следи премерот на Бернардески и Кјеза и да потпише за Јуве.
„Твоите чувари нема да ти го спасат животот, цигану, со тебе е завршено!“
Sky Sport Italia вели дека двата клуба се договориле за отштета од околу 70 милиони евра (вклучувајќи бонуси) кои на клубот од Фиренца добро ќе му дојдат. Но, парите на фирентинците не им значат ништо. Повредена им е честа и гордоста, па почнаа да му се закануваат на Влаховиќ.
Полиција е распоредена пред неговиот дом во Фиренца бидејќи заканите веќе станаа и смртни. Гневот на навивачите го подгреа самиот Влаховиќ кој одби далеку поголеми понуди од Арсенал, Тотенхем и Њукасл, само за да оди во најголемиот крвник на Фиорентина - Јувентус.
Еден куп банери на оградите и пораки на фасадите осамнаа низ преубавата тосканска престолнина, некои од нив со закани по животот на предавникот, други со навреди. Низ градот и ден денес може да се почувствува предавството на Роберто Баџо од далечната 1990 година, кога имаше дури и немири поради трансферот.
*Гобо (зајак) е навредлив збор кој се користи за навивачи и играчи на Јувентус.