Полициските службеници досега констатирале вкупно 25.976 прекршоци за неносење лична заштита на лицето, од кои 478 прекршоци се во изминатото деноноќие.
Во координација со Државниот пазарен инспекторат, во текот на изминатото деноноќие извршени се 80 контроли во објекти при што не се евидентирани објекти кои не ги почитувале одлуките на владата, извести министерот на внатрешни работи Наќе Чулев преку социјалните мрежи.
На територијата на целата држава на вкупно 366 лице им се издадени решенија за изолација, а 9 лица потпишале изјави за самоизолација. Извршени се контроли кај лица во изолација и самоизолација при што е евидентирано 1 лице кое не ги почитувало овие мерки.
„Полициските службеници се во првите редови во справување со пандемијата со COVID-19 и тие во континуитет преземаат мерки за контрола на почитување на одлуките на владата“, напиша Чулев на Facebook и додаде дека уште еднаш апелира до сите граѓани да ги почитуваат мерките за заштита од коронавирусот и „сите заеднички да придонесеме што побрзо животот да биде вратен во нормала“.
