По жестока расправа, властите во Сан Франциско ѝ одобрија на градската полиција да употребува роботи со потенцијално смртоносни способности.
Весникот The San Francisco Chronicle објави дека по расправа во надзорниот одбор, која резултирала со 8 гласа „за“ и три „против“, полицијата од вторникот е овластена да користи роботи за отстранување бомби и за извидници.
„Ова вклучува седум роботи дизајнирани да неутрализираат бомби и обезбедат видео извидување“, објави на Twitter Рафаел Манделман, еден од членовите на Одборот.
Против ваквата одлука биле Хилари Ронен, Дин Престон и Шаман Волтон, а Ронен наведе дека е срамота што само тројца „гласале против вооружување роботи“.
Дин Престон овој чин, полицијата во Сан Франциско да користи роботи за убивање луѓе, ја оцени како вознемирувачка.
Иако ниту еден од роботите не е вооружен и полицијата не планира да ги вооружи, Манделман наведе дека во одредени ситуации, како терористички напади или масовни пукања, полицијата може да користи роботи со оружје.
Додаде дека полицијата во Сан Франциско користи роботи од 2010 година и досега никогаш не се користени за примена на смртоносна сила.
„Постои само еден случај во евиденцијата на полицијата во Далас, дека робот убил снајперист во 2016 година. Станува збор за снајперист кој убил пет полицајци“, укажа тој.