На изложбата на полициска опрема и возила во Франкфурт, Mercedes ја претстави новата генерација патролни возила во која за прв пат во полициски бои е офарбан пикапот од X класата на германскиот производител.
Покрај него, полициски верзии добија и неколку модели од актуелната гама на Mercedes, вклучувајќи возила што се економични и помалку ја загадуваат животната средина.
Кога станува збор за X класата, на полицијата ѝ се нуди варијанта со погон 4х4, за подобри перформанси за полициските активности што се обавуваат во теренски услови на возење.
Меѓу полициските Mercedes воила се и Sprinter и Vito, како и караванот од E класа со четирицилиндарски „дизелаш“ за кој производителот вели дека има мала потрошувачка.
Полициската Е класа е опремена со бројни безбедносни системи, како автоматско кочење во случај на опасност, предупредувања за судир и детекција на пешаци на патот.
Едно од новите еколошки прифатливи полициски возила ќе биде хибридниот Mercedes GLC 350e 4Matic што на пократки релации во градски услови може да вози само на електричен погон.
На тој начин се штеди на гориво и помалку се загадува средината во урбаните средини со густа населеност.