Циметот е одличен извор на железо, калциум, манган, бакар и цинк, вкусен зачин што навистина го штити организмот.
Ако го внесете циметот во вашата исхрана значително ќе ви помогне во контролирањето на наглото покачување и намалување на нивото на шеќер во крвта.
На тој начин може значително да се намали потребата за слатки и да се подобри дејството на антиоксидансите од другата храна што му помага на телото да се одбрани и да се зајакне имуниот систем.
Само половина лажичка цимет дневно може значително да го намали нивото на шеќер во крвта, како и триглицеридите и холестеролот кај луѓе со дијабетес тип 2.
Циметот ја намалува и вкочанетоста во мускулите и зглобовите, ги змирува воспаленијата, ја подобрува работата на дигестивниот систем, го стимулира мозокот, циркулацијата на крв и го блокира лачењето на протеин во мозокот што може да доведе до појава на Алцхајмерова болест.
Се препорачува половина или цела лажичка цимет дневно, на пример со кафето или чајот, или како зачин на порцијата овошје.
