Патрик Махомс потпиша нов договор со НФЛ екипата Канзас Сити Чифс и стана најплатениот спортис во историјата.
Квотербекот беше прогласен за МВП на Супербоулот откако им ја донесе на Чифс првата титула по 50 години.
Токму затоа 24-годишниот Махомс е награден со нов десетгодишен договор вреден неверојатни 503 милиони долари.
Досега, најскап договор во спортската историја имаше потпишано бејзбол играчот Мајк Траут кој за Лос Анџелес Ејнџелс потпиша за 426,5 милиони долари за 12 години верност.
Досега најскапо платен квотербек во НФЛ беше Расел Вилсон од Сиетл Сихокс, кој потпиша четиригодишен договор за 140 милиони долари во април, 2019 година.
Forbes го рангира тенисерскиот ас Роџер Федерер за најскапо платен спортист во светот, со годишна заработка од 106,3 милиони долари во кои се вброени наградите и хонорарите од реклами.
Португалскиот фудбалер Кристијано Роналдо е на второ место со годишна заработка од 105 милиони долари од плата и комерцијални хонорари. Тој во 2018 година потпиша четиригодишен договор со Јувентус за годишна плата од 30 милиони евра.
