Брачен пар од Флорида, кои биле во брак 51 година, починаа од новиот коронавирус. Тие починаа во временско растојание од шест минути, иако нивниот син вели дека нивната состојба укажувала на тоа дека ќе ја пребродат болеста.
Според нивните роднини, Стјуарт Бејкер (74) и две години помладата Адријана Бејкер повеќе од половина век биле неразделни.
Но, кон средината на март се заразиле со коронавирус. Стјуарт, незнаејќи дека е заразен со COVID-19, потоа бил примен и во болница, а Адријана останала дома.
Кога дознала дека на сопругот му се влошила состојбата и оти е префрлен на интензивна нега, односно дека е дефинитивно позитивен на коронавирусот, заминала и таа да се тестира. Тогаш и нејзе ѝ се слошило.
Веста за нивната смрт ја сподели нивниот син, Бади Бејкер. Тој повикува сите да бидат свесни и внимателни и да ги следат препораките на лекарите и стручните лица.