Без разлика дали се работи за авто-плац или на интернет, во Германија обично има голем избор на користени автомобили.
Од вкупниот број продадени автомобили во Германија, повеќето се половни, но во меѓувреме во понудата има премалку автомобили.
„Во моментов имаме помалку користени автомобили од клиенти. Половните автомобили станаа ретка стока“, рече Томас Пекрун, потпретседател на Централната асоцијација на германската автомобилска трговија (ZDK).
Купувачите треба да платат повеќе за достапните половни автомобили.
Според Пекрун, цените пораснале од 5 до 10 проценти. Во некои ситуации половните автомобили чинат повеќе од новите, бидејќи во моментов многу се чека за испорака на нови.
Мартин Вајс работи за DAT, организација основана во 1931 година која неутрално и објективно ја проценува вистинската вредност на автомобилите.
Според него, чудно е тоа што во моментов се случува во автомобилската индустрија.
„Пазарот полуде“, рече тој, додавајќи дека половните автомобили се и за 15 отсто поскапи од било кога.
