Полска бара демилитаризација и преименување на Калининград, Русите се изнасмеаја

Полскиот предлог за демилитаризација и преименување на Калининградската област наиде на потсмев од нејзиниот руски гувернер.

Знамињата на Калининградската област, Русија и градот Калининград

Гувернерот на Калининград се изнасмеа на предлогот од поранешниот полски министер за одбрана кој предложи оваа руска ексклава да биде демилитаризирана и преименувана.

Гувернерот Антон Алиханов за локалните медиуми изјави дека предлогот на Ромуалд Шеремјетиев покажува дека полските политичари не се разбираат од геополитика и го обвини дека се натпреварува во русофобија со полскиот премиер Матеуш Моравјецки.

„Тие го прошируваат НАТО, а ние треба да се демилитаризираме? Мислам дека нешто не е во ред со начинот на кој Полјаците размислуваат“, рече гувернерот Алиханов.

Руски морнари на бродот Јарослав Мудриот од балтичката флота

Шеремјетиев, кој важи за конзервативен политичар кој кратко време во 90-тите беше министер за одбрана на Полска и подоцна парламентарец, претходно зборувајќи за полските медиуми ја дискутираше можноста Финска и Шведска да се приклучат во НАТО и реакцијата на официјална Москва по тоа прашање, а воедно го покрена и прашањето за иднината на Калининград.

„Треба да побараме Калининград да не се именува повеќе во чест на криминалецот Калинин, кој е коодговорен за Катинскиот масакр“, рече полскиот политичар.

Катинскиот масакр била масовна егзекуција на околу 22 илјади Полјаци, повеќето од нив војници заробени од советските сили во 1939 година по наредба на Јосип Сталин. Градот Калининград и областа околу него се именувани по советскиот офицер Михаил Калинин, кој вршел неколку важни позиции со болшевичката и советската влада. Бил член на Политбирото и на Комунистичката партија, извршното тело кое во март 1940 година ја издало наредбата за егзекуција на полските воени затвореници. Многу советски документи кои сведочат за злоделото беа декласифицирани по распадот на СССР.

Освен да се преименува Калининград, Шеремјетиев бара и руската војска да се повлече од целата ексклава. Калининградската област се наоѓа на балтичкиот брег помеѓу НАТО членките Полска и Литванија и нема копнена врска со Русија, но служи како клучно воено упориште за Москва.

„Регионот мора да се демилитаризира бидејќи НАТО не може да седи на буре барут ставено меѓу неговите нозе“, рече Шеремјетиев.

Русија го смета НАТО за непријателска воена организација која им служи на интересите на САД. Таа предупреди дека ќе одговори на очекуваниот пристап на Шведска и Финска со прилагодување на нејзината воена положба. Калининград е домаќин на значајни руски сили, со тактички проектили земја-земја со дострел до јужните делови на Шведска.

Калининград има површина од 15.100 km² на која живеат речиси 1 милион жители од кои 86,4% се Руси, а од останатите најмногу се Украинци и Белоруси, потоа Литванци, Ерменци, Германци и Татари. Има мал број на Полјаци. Најголем град со 450 илјади жители е Калининград, а останатите се со под 50 илјади.

реклама

Хороскопски знаци на кои постојано им е потребно внимание

Read more

Србин уапсен во Грција, Хрватска го бара за воени злосторства

Read more

Дончиќ ги смени навиките и никогаш не изгледал подобро

Read more

Македонија или Див Запад: „Жолта минута“ на Арбер Адеми од ДУИ

Read more

Свет

Шолц и Макрон по Г7: Русија не може да успее во инвазијата врз Украина

Read more

Песков: Русија ќе ја прекине офанзивата кога Украина ќе капитулира

Read more

Шведските Курди стравуваат: Ќе ја платиме цената за влез во НАТО

Read more

Дете во Канада почина откако било оставено во вжештен автомобил

Read more
 

Вести

Шолц и Макрон по Г7: Русија не може да успее во инвазијата врз Украина

Читај повеќе

Песков: Русија ќе ја прекине офанзивата кога Украина ќе капитулира

Читај повеќе

Шведските Курди стравуваат: Ќе ја платиме цената за влез во НАТО

Читај повеќе

Адеми: Жалам за инцидентот, имаше насилство врз мене

Читај повеќе
  • play_arrow

Синедејс 2022 отвора со македонската премиера на играниот филм „Мими“

Читај повеќе

Претреси во штипскиот затвор: Пронајдени мобилни телефони, оружје, пари и дрога

Читај повеќе

Дете во Канада почина откако било оставено во вжештен автомобил

Читај повеќе

Продолжен притворот за лице осомничено за трговија со две девојки

Читај повеќе

101-годишен поранешен чувар во нацистички логор осуден на пет години затвор

Читај повеќе