Патриција Родригес, полусестрата на Георгина Родригес, јавно ѝ се закани дека ќе разоткрие нејзини тајни.
Георгина изгледа дека нема баш најдобар однос со нејзината полусестра Патриција, која во емисија ја обвини девојката на славниот фудбалер Кристијано Роналдо, за лажење заканувајќи се дека ќе открие тајни за неа.
Патриција тврди дека Георгина се подигрува со лошата економска состојба во која е таа, пишува Marca.
„Слушнав различни муабети во семејството. Таа се срами од мене и се потсмева на мојата моментална економска ситуација“, изјави Патриција во ТВ програмата.
Додека гостуваше во емисијата „Socialite“ изјави дека Георгина ја исмејува бидејќи е во лоша финансиска состојба.
„Се срами од мене и ме исмејува. Никогаш не барав од неа да ми даде пари. Само сакав да им помогне на моите деца. Го дадов телефонскиот број на училиштето во кое одат за да може да ги контактира и да им купи учебници. Сè уште го чекам нејзиниот одговор“, соопшти таа.
Потоа изјави дека Георгина е лоша личност и додаде дека ќе објави „незгодни“ информации за неа доколку не ѝ помогне.
На крајот, сепак малку се потсмири и додаде:
„Јас не сум човек кој сака конфронтација. Мислам дека треба да разговараме за сè што се случи и да го решиме проблемот“, изјави Патриција.
Не е прв пат Патриција да ја критикува Џорџина. Минатиот месец откри дека живее без помош од нејзината полусестра Георгина. Како што истакна, веќе три години нема постојано живеалиште, додека Георгина живее луксузен живот, во скапи вили и постојано патувајќи низ светот.