Свет

Помалку делфини, повеќе ѓубре – тажна слика во Црно Море

22. ноември 2019 - 19:17 | МИА

Со воздушен мониторинг на Црното Море, наречен „Лет со делфини“, прв во последните 40 години, утврдено е намалување на бројот на делфини во групи и значително зголемување на количината на ѓубре, објави денеска Меѓународниот еколошки фонд Чисти мориња.

„Според првичните резултати од воздушниот мониторинг, спроведен во септември над поголемиот дел од Црното Море во близина на бреговите на Кавказ, од Керченскиот теснец до Адлер, бројот на делфини во набљудуваните групи значително се намалил од неколку стотини на максимум 37 животни во група. Во исто време, се зголеми и количината на морски отпад, се вели во соопштението.

Заменик генералниот директор на организацијата, Ана Суботина, изјави дека главната причина за падот на бројот на делфини е миграцијата на изворите на храна, бидејќи многу видови риби, кои се главни во исхраната на делфините, се преселиле во други делови на Црното Море.

Таа најави дека ќе биде спроведени посебно сеопфатно истражување за да се утврдат причините и додаде дека руското Министерство за природни ресурси и екологија се согласило да го поддржи проектот.

Коментирај