Најјасен знак за бременост е изостанувањето на менструалниот циклус, но и тоа не мора секогаш да значи дека сте бремена.
Покрај тоа, едни од најчестите рани знаци на бременост се утринската мачнина, чувство на умор, промени на градите како чувствителност на допир, болки во грбот и раздразливо расположение.
Сепак, постојат и други помалку познати рани знаци на бременост:
Плитко дишење, односно краток здив - на бебето му е потребен кислород, па го зема од вашето тело, што може да предизвика кратко, плитко и испрекинато дишење.
Често мокрење – ако одеднаш имате почеста потреба за мокрење, тоа може да е знак за бременост бидејќи за време на бременоста телото произведува повеќе течности.
Грчеви – Слични на менструалните грчеви, само што разликата е што кога сте бремени, матката се шири и се подготвува за бебето.
Зголемена базална температура – Базалната температура во телото на жената расте по овулацијата и останува покачена уште околу две недели. Ако и после тој период базалната температура не се намалува, направете тест за бременост.
Точкасто крварење – Многу благо крварење што буквално остава само точки крв на долната облека може да укажува на тоа дека оплодената јајце-клетка се всадува во матката. Ова не е менструално крварење.
