Помладата ќерка на Трамп лудува во лондонските барови

Тифани Трамп синоќа беше фатена од папараците како одвај стои на нозе додека излегува од елитен бар во Лондон, поради што мораше да се придржи за телохранителот и да го фати за рака.

Тифани е единствената ќерка на претседателот Трамп од бракот со Марла Мејплс и се смета за детето кое „отскокнува“ од семејството. Тифани е на одмор во Лондон со мајка ѝ и се чини дека си поминала повеќе од весело во ексклузивниот клуб The Arts Club во елитната населба Мејфер во Лондон, а подоцна кога излегуваше од латино барот MNKY HSE веќе не можеше да стои на високите потпетици, па ѝ беше потребна помош да стигне до СУВ возилото што ја чекаше на улица.

24-годишната Тифани е целосна спротивност на полусестрата Иванка Трамп која ги следи политичките и бизнис стапки на нивниот славен татко.