Помогни ми да напишам: Gemini AI сега може сам да пишува и уредува е-пошта

Функцијата Help me write ја користи помошта на четботот Gemini AI за пишување и уредување е-пошта, на корисниците им се прикажува како посебна опција кога ќе отворат празно поле за да напишат нова е-пошта во Gmail.

Во последно време Google се обидува во својата голема мрежа на интернет производи и услуги што е можно повеќе да го интегрира Gemini AI, чет-ботот базиран на вештачка интелигенција. Сега на ред е најпопуларната веб-пошта во светот - Gmail, каде Google веќе некое време работи на подобрување на начинот на пишување мејлови.

Затоа, една од најпопуларните алатки на пакетот Google Workspace сега доаѓа на Gmail, заедно со нова кратенка која ќе им помогне на корисниците да го подобрат пишувањето пораки на е-пошта.

Функцијата Help me write ја користи помошта на четботот Gemini AI за пишување и уредување е-пошта. На корисниците им се прикажува како посебна опција кога ќе отворат празно поле за пишување нова е-пошта во Gmail.

Функцијата Help me write им дава предлози на корисниците како да формираат, прошират или скратат и сумираат порака.

Help me write, со помош на Gemini AI, составува пораки за кратко време врз основа на претходни шаблони преземени од често разменети и повторувани типови пораки и одговори на рутински разговори, ослободувајќи го времето на корисникот за посложени задачи и детална посложена кореспонденција.

Верзијата на Gmail за мобилни уреди добива нова кратенка - Refine my draft, која ја заменува функцијата Help me write.

Наместо опции за формирање, проширување или скратување на текстот на пораката, оваа функција автоматски ги обработува пораките со притискање на копчето Polish.

Функцијата Help me write за Gmail моментално е достапна само за оние корисници што плаќаат за претплата на Google One AI Premium или го користат додатокот Gemini AI во пакетот Workspace.