Помпеја открива нови тајни - „Волшебна градина“ најдена под урнатините

Археолозите најдоа ново неочекувано богатство под урнатините на Помпеја – рачно насликани ѕидни слики на влезот на светилиште во приватна куќа затрупана по ерупцијата на вулканот Везув во 79 година.

Во римско време ваквите слики биле честа глетка на влезовите на куќите на богатите граѓани, а во светилиштата се принесувале жртви и се упатувале молитви.

Овие т.н. „волшебни градини“ изобилуваат со слики на бикови, птици, дрвја и змии, како и митски суштества. Археолозите се возбудени што речиси 2.000 години по катастрофалната ерупција што затрупала цел еден град, наоѓаат новинедопрени археолошки богатства.